Tiit Piibelehe motivatsioonikiri |
Tiit Piibeleht
Vestmani uulits 12 Telefon: +372 55 445 355 16. viinakuu pääval 2018 Avvuline Riigikogu esimiis Eiki Nestor Mõtli ütspäiv, et olõ haritu miis, mõista lukõ`, kirota` ja rahhagi tetä`, mul om naane ja piakõsõ nuu` latsõki` tulõmada ei jää`. Ku inemisel om pal`lo, siss nakkas tä mõtlõma, kuis kõkkõ tuud kaitsa. Asja` omma` Eesti riigih mu arvosaamise perrä hukan. Ma olõ uma kälüski hädast välla avitanu`, a ku Sandri joba Matilde küüdsist är` jõudsõ pästä, siss Eesti asja kõrda säädmine on tuu kõrval naljatego. Sinnä saa ütsjago aigu, ku tulli Vinnemaalt tagasi. Ma kävi sinnä`priiust tuuma: opassi rikkide lätsi, olli guvõrnööriss. Sai veidökene aigu esämaa illo hinge laskõ, ku trevässi vana koolivele Sandriga kokko. Timä pere tõi minno hoobis uvvõ ala mano – tulõ välla, et mul on ärisuunt. Äiapapal on õigus: edimädse oina pügasi ma puhtalt jah, aga süä kisk kirjänikuamõti poolõ. Uma kalli Laura peräst tei ma tuu haagi, aga edesi tahass iks nii laulda`, nigu nokk om säetü. Riigikoguh taha ma saista nuuri iist. Tuu, et inemine piät käuma vällämaalõ tüüle, et saasi` Eestih eläda, ei kõlba koskilõ. Muial om hää, a ku sa olõt luudu siin eläma, sõss võisi` riik iks hää saista, et siin saasi` kah säänest rahha, millega är` jõvvat ellä`. Kiränikupalk om hää plaan, a tõsõ`omma`kah hädäh`. Ku mi nuuri ei toeta ja naa` är` läävä`, mis sõss Eestist saa!? Ma mõista, määne om hää kirjatükk, mõista ka rahha` tetä`, ei olõ` kunagi olnu` laristaja ja saa arvo, et pere piät kokko hoitma - tuu näutäs, et ma kõlba egäsugumastõ hätiga tegelema. Kuimuudu mu`ka kontakti saa, nuu` koordinaadi` ommava CV-n, mille pandsõ kiräga üten. Olõ peris huvitõdu, midä tii` teedä` tahat. Kiränik ja ärimiis Tiit Piibeleht |